ДАВЛАТ ФУҚАРОЛИК ХИЗМАТЧИСИНИНГ ОДОБ-АХЛОҚ ҚОИДАЛАРИ ТЎҒРИСИДА
Зарбдор туман ҳокимлигида «Давлат фуқаролик хизмати тўғрисида»ги Қонунига мувофиқ давлат хизматчиларининг хизмат фаолиятига оид ва хизматдан ташқари одоб-ахлоқи, жамоатчилик билан муносабатларига доир қоидаларга риоя этилишини таъминлаш мақсадида Вазирлар Маҳкамасининг 2022 йил 14-октябрдаги 595-сонли Қарорини тушунтиришга қаратилган ўқув-семинар бўлиб ўтди.
Лекторлар томонидан “Давлат фуқаролик хизматчилари одоб-ахлоқининг Намунавий қоидалари” хусусан, давлат хизматчиси фаолиятидаги одоб-ахлоқ қоидалари, давлат хизматчиларининг ишда ва ишдан ташқари вақти ҳамда давлат хизматчиларининг жамоатчилик ва оммавий ахборот воситалари вакиллари билан муносабатларга оид одоб-ахлоқ қоидалари тўғрисида батафсил маълумот берилди.
Семинарда «Давлат фуқаролик хизмати тўғрисида»ги Қонунинг 12 ва 13-моддаларида давлат фуқаролик хизматчисининг асосий мажбуриятлари ҳамда давлат фуқаролик хизматини ўташ билан боғлиқ чекловлар тўғрисида тушунтирилди.
Зарбдор туман ҳокимлиги Ахборот хизмати
