RASMIY MUNOSABAT

Milliy telekanali Millar teledasturi va ijtimoiy tarmoqlarda Jizzax viloyati Zarbdor tumani “Oqar” QFY hududidagi yo‘llar ta’mirtalab ahvolga kelib, yaroqsiz bo‘lib qolgani haqida so‘z yuritilganligi to‘g‘risida rasmiy munosabat. 

Zarbdor TYFDMning ma’lumotiga ko‘ra Zarbdor tumani hududidan o‘tuvchi davlat ahamiyatidagi 4R285 “M39 a/y-Oqar agroxizmat markazi-4R33 a/yga chiqish” avtomobil yo‘lining “Oqar” MFY hududidan o‘tgan  6 km qismi O‘zbekiston Respublikasi Prezidentining 2023-yil 10-oktabrdagi PQ-330 sonli qaroriga asosan 2024-yilda Zarbdor tumani hududidagi umumfoydalanuvdagi avtomobil yo‘llarining 18 km ni ta’mirlash belgilangan. 4R285 “M39 a/y Oqar agroxizmat markazi-4R33 a/yga chiqish” avtomobil yo‘lining “Oqar” MFY hududidan o‘tgan 6 km qismini ta’mirlash ishlari 2024-yil rejasiga kiritilgan bo‘lib, ta’mirlash ishlari ushbu PQ-330-sonli qaror bo‘yicha mablag‘lar ajratilgandan so‘ng amalga oshirilishi hamda joriy yilning  IV- choragida yakunlanishi rejalashtirilgan. Hozirgi kunda ushbu yo‘lda transport vositalarining xavfsiz harakatlanishini ta’minlash maqsadida korxona tomonidan chuqurchalarni asfaltobeton qorishmasi bilan yamash ishlari olib borilmoqda.