Зарбдор тумани 3-сектор ҳудудидаги Бўстон шаҳарчаси спорт мажмуасида “Ассалом, Наврўз – янгиланиш, меҳр-оқибат ва қадр-қиммат айёми!” шиори остида “Ёшлар сайли” бўлиб ўтди.

Катта-ю кичик, ёшу-қарини ўзида мужассам этган ушбу сайлда миллий таомлар кўргазмаси,  тош кўтариш, камондан ўқ отиш, арқон тортиш, кураш каби  миллий спорт ўйинлари, Марказий ҳарбий округининг ҳарбий чиқишлари ҳамда ҳарбий қуроллар кўргазмаси, варрак учириш, китоблар кўргазмаси, иншолар танлови, волейбол ва футбол ўйинлари иштирокчиларда катта қизиқиш уйғотган бўлса, туманимизнинг маданият бўлими ҳамда болалар мусиқа мактабининг ижодий чиқишлари иштирокчиларнинг қизиқишларига янада завқ-шавқ бағишлади.

Тадбирда спорт ўйинларида ғолиб бўлган иштирокчилар ташкилотчилар томонидан диплом ва эсталик совғалар билан тақдирланди.

 Зарбдор туман ҳокимлиги Ахборот хизмати