“Yilning eng yaxshi tarbiyachisi” kasbiy ko’rik-tanlovining viloyat saralash bosqichi o’tkazildi.

Avval xabar berganimizdek, ayni kunlarda "Sifatli ta'lim - inson kapitali rivoji" shiori ostida “Yilning eng yaxshi tarbiyachisi” kasbiy ko’rik-tanlovining viloyat saralash bosqichi o’tkazildi. Bugun, 14-oktabr kuni saralash bosqichlarida faxrli o'rinni egallagan ishtirokchilar Jizzax viloyat maktabgacha ta'lim boshqarmasining diplom va esdalik sovg'alari bilan taqdirlanishdi. Yil tarbiyachisi kasbiy ko'rik tanlovining viloyat bosqichida Zarbdor tuman maktabgacha ta'lim tashkilotlari tarbiyachilari ham faol ishtirok etishib, tanlovning “Eng yaxshi kreativ tarbiyachi” nominatsiyasi bo'yicha 7-son DMTT tarbiyachisi Nodirova Maqsuda Faxriddinovna faxrli 3-o'rin hamda “Innovatsion va axborot texnologiyalarni qo'llaydigan eng yaxshi tarbiyachi” nominatsiyasida 5-son DMTT tarbiyachisi Nurmatova Gulizebo Nurali qizi faxrli 2-o'rinni qo'lga kiritdi. 

Zarbdor tuman hokimligi Axborot xizmati