Зарбдор туманида ёнғин хавфсизлиги ойлиги доирасида ўтган ўн кунлик давомида амалга оширилган ишлар муҳокама этилди

Маълумки мамлакатимизда куз-қиш мавсумида юзага келиши мумкин бўлган ёнғинларнинг олдини олиш ҳамда ёнғин хавфсизлигини таъминлаш чора-тадбирларини кучайтириш мақсадида 2022 йил 15 ноябрдан 15 декабрга қадар “Ёнғин хавфсизлиги ойлиги” деб эълон қилинган. Зарбдор туман ҳокимлигида ўтказилган йиғилишда ёнғин хавфсизлиги ойлиги доирасида ўтган ўн кунлик давомида амалга оширилган ишлар муҳокама этилди.

Йиғилишда туман фавқулодда вазиятлар бўлими, “Зарбдортумангаз” корхонаси, электр тармоқлари корхонаси ҳамда бошқа мутасадди ташкилотлар раҳбар ва ходимлари иштирок этди. 

Йиғилишда Халқ депутатлари Зарбдор туман кенгаши котибияти мудири М.Гоипов, Жиззах вилоят Фавқулодда вазиятлар бошқармаси ўринбосари подполковник А.Тангиров, подполковник А.Султонов ҳамда Зарбдор туман ФВБ бошлиги капитан К.Турсунбоевлар ҳам сўзга чиқишди ва амалга оширилган ишлар ва йўл қўйилган камчиликлар ҳақида батафсил тўхталиб ўтишди.

Туманда “Ёнғин хавфсизлиги ойлиги”ни самарали ўтказиш, турли кўнгилсиз ходисаларнинг олдини олиш, ҳамда бу борада маҳаллаларда аҳоли ўртасида тушинтириш, тарғибот ишларини олиб бориш мақсадида ташкил этилган ишчи гуруҳлар фаолиятини янада жонлантириш юзасидан тегишли чора-тадбирлар белгиланди.

 Зарбдор туман ҳокимлиги ахборот хизмати.