Yil boshidan 116 mln. so‘m avtotransportlar ma’muriy jarimasi undirildi.

Haydovchidan transport vositasini boshqarish vaqtida yo‘l belgilari va qoidalariga alohida e’tibor talab qilinadi. Lekin ko‘pchilik haydovchilar yo‘l qoidalarini buzib, ma’muriy huquqbuzarlik sodir etadilar. Bu esa o‘z navbatida ma’muriy jarima qo‘llanilishiga sabab bo‘ladi.. 

Ma’muriy huquqbuzarliklar bo‘yicha qo‘llanilgan jarimani ixtiyoriy to‘lash tizimi yanada soddalashtirilgan, huquqbuzar unga jarima solish to‘g‘risidagi qaror topshirilgan kundan boshlab 15 kun ichida jarima miqdorining 50 foizini, 30 kun ichida 70 foizini ixtiyoriy to‘lagan taqdirda, u jarimaning qolgan qismini to‘lashdan ozod qilish amaliyoti joriy qilingan.

Ayrim huquqbuzarlar jarimani imtiyozli muddat u yoqda tursin, ixtiyoriy muddatda ham to‘lashdan bo‘yin tovlaydi. Aksariyat YHXB organlari tomonidan qo‘llanilgan  jarimalar 60 kun muddat o‘tgandan so‘ng majburiy undiruvga qaratiladi.

Xususan, Majburiy ijro byurosi Zarbdor tuman bo‘limi tomonidan joriy yil boshidan YHXB organlari tomonidan qo‘llanilgan 233 ta 116 mln. so‘mlik jarimalar undirilgan bo‘lsa, 19 ta avtotransport vositalari jarima maydonchalariga joylashtirildi.

Jarimalar o‘z vaqtida to‘lanib borilganda, ushbu avtomobillar xatlanmagan va bunday ortiqcha harakatlar qilinmagan bo‘lar edi.