Zarbdor tumanida "Sayxunobod tajribasi" asosida ish tashkil etilmoqda. Tuman mahallalarida har bir ko‘chada xonadon egalari bilan suhbatlashilib, tomorqadan maqsadli foydalanish holati o‘rganilmoqda.
Bugun Zarbdor tuman hokimi Zafar Ruziyev boshchiligidagi ishchi guruh vakillari tumanning 3-sektori hududidagi “Navro'z" va "Do'stlik" mahallasidagi xonadonlarda tomorqa xo‘jaliklari holatini ko‘zdan kechirib, “Sayxunobod tajribasi” asosida amalga oshirilayotgan ishlar namunali yo‘lga qo‘yilganligini ta’kidladilar. Xonadon egalari bilan muloqot chog‘ida, ularning murojaat va takliflarini tingladilar.
Mutasadillarga ekin maydonidan unumli foydalanib, qo‘shimcha daromad topayotgan xonadon sohiblarining tajribasini ommalashtirish, parranda, asalari, hayvon parvarishlash orqali ro‘zg‘orni obod etish borasida tushuntirish ishlari olib borildi.