Xalq deputatlari Zarbdor tuman Kengashining ellik ikkinchi sessiyasi bo‘lib o‘tdi.

2023-yil 15-mart kuni tuman hokimligi kichik majlislar zalida Xalq deputatlari Zarbdor tuman Kengashining ellik ikkinchi sessiyasi bo‘lib o‘tdi. 

Sessiyada O‘zbekiston Respublikasi Prezidentining 2020-yil 1-maydagi “Hududlarni ijtimoiy-iqtisodiy rivojlantirishni reyting baholash tizimini joriy etish to‘g‘risida” PQ-4702-sonli qarori ijrosi, Zarbdor tumanini ijtimoiy-iqtisodiy rivojlantirish, ijtimoiy soha va infratuzilma obyektlarida qurilish-ta’mirlash va obodonlashtirish ishlarini amalga oshirish, O‘zbekiston Respublikasi Prezidentining 2021-yil 3-dekabrdagi “Mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchilari faoliyatini tashkil etish chora-tadbirlari to‘g‘risida”gi PQ-31-sonli qarori ijrosi, Tuman ichki ishlar bo‘limi boshlig‘i o‘rinbosarining jamoat xavfsizligi haqidagi hisoboti, Tumandagi ijtimoiy yordamga muhtoj oilalarni “Temir daftar” ga kiritish “Saxovat va ko‘mak” jamg‘armasiga kelib tushgan mablag‘larning maqsadli ishlatilishi va O‘zbekiston Respublikasi Prezidentining 2021-yil 26-iyuldagi “Aholiga ko‘rsatilayotgan tibbiy yordam sifatini yanada yaxshilash chora-tadbirlari to‘g‘risida”gi PQ-5198-sonli qarori hamda boshqa masalalar ko‘rib chiqildi. 

Xalq deputatlari tuman Kengashining ellik ikkinchi sessiyasi kun tartibiga kiritilgan barcha masalalar ko‘rib chiqildi va deputatlar tomonidan tegishli qarorlar qabul qilindi.