Zarbdor tumani Iqtisodiyot va Moliya bo‘limida “Konstitutsiya meniki, seniki, bizniki! Konstitutsiya o‘zimizniki!” shiori ostida targ‘ibot tadbiri bo‘lib o‘tdi.

Unda tuman Iqtisodiyot va Moliya bo‘limi hamda Byudjetdan tashqari pensiya jamg‘armasi xodimlari, Xalq deputatlari tuman kengashi deputati, O‘zLiDeP a’zosi Zokir Mullajonovlar ishtirok etishdi.

Tadbirda Konstitutsiyaga kiritilishi rejalashtirilgan o‘zgartirishlar, yangilanayotgan Bosh Qomusimizning mamlakatimiz taraqqiyotidagi tutgan o‘rni hamda referendum o‘tkazish tartibi haqida so‘z bordi.

Yig‘ilishda so‘zga chiqqanlar barchani 30 aprel kuni bo‘lib o‘tadigan Referendumda faol ishtirok etishga chaqirishdi.