Zarbdor tumanida “Sayxunobod tajribasi" ommalashtirilmoqda

Zarbdor tumanida "Sayxunobod tajribasi" asosida ish tashkil etilmoqda. Tuman mahallalarida har bir ko‘chada xonadon egalari bilan suhbatlashilib, tomorqadan maqsadli foydalanish holati o‘rganilmoqda.

Bugun Zarbdor tuman hokimi Zafar Ruziyev, sektor rahbarlari boshchiligidagi ishchi guruh vakillari tumanning 1-sektori hududidagi “Toshkesgan” mahallasidagi xonadonlarda tomorqa xo‘jaliklari holatini ko‘zdan kechirib, “Sayxunobod tajribasi” asosida amalga oshirilayotgan ishlar Abdug‘ani Astanov xonadonida namunali yo‘lga qo‘yilganligini ta’kidladilar. Xonadon egalari bilan muloqot chog‘ida, ularning murojaat va takliflarini tingladilar.

Mutasadillarga ekin maydonidan unumli foydalanib, tadbirkorlik bilan shug'ullanib qo‘shimcha daromad topayotgan Abdug‘ani Astanov xonadoni tajribasini ommalashtirish, parranda, asalari, hayvon parvarishlash orqali ro‘zg‘orni obod etish borasida tushuntirish ishlari olib borildi.