To‘lanmagan Soliqlar evaziga mulklar xatlanmoqda.

Soliqlar ta’lim, kam ta’minlanganlarni ijtimoiy qo‘llab-quvvatlash, huquq-tartibotni saqlash, mudofaa salohiyatini ta’minlash, infratuzilmani yaratish va rivojlantirishni moliyalashtirishning manbasi bo‘lib xizmat qiladi. 

Soliq va boshqa majburiy to‘lov qarzdorlikning oshib ketishi davlat byudjetiga hamda xo‘jalik yurituvchi subyektlar moliyaviy faoliyatiga salbiy ta’sir etadi. Soliqlarni undirish-eng qadimgi vazifalardan va davlatchilik mavjudligining asosiy shartlaridan biri hisoblamagan.

Majburiy ijro byurosi Zarbdor tuman bo‘limi tomonidan soliq qarzi bo‘yicha majburiyatga ega shaxsning soliq qarzdorligini undirish umumiy yurisdiksiya sudlari hamda soliq organi qarorlariga asosan amalga oshiriladi va bu borada samarali ishlar qilinmoqda.

Jumladan, joriy yilning o‘tgan davrida soliq to‘lovlar undiruviga oid jami ish yurituvdagi ijro hujjatlaridan 2340 ta  ijro hujjatlari tamomlanib, 49 mlrd. 70 mln. so‘mlik qarzdorliklari undirilgan bo‘lsa, qarzdorlarga tegishli 21 ta 1 mlrd. 471 mln. so‘mlik mol-mulklari xatlovga olinib, shundan 6 ta, 1 mlrd. 441 mln. so‘m mol-mulklar auksion savdolariga chiqarilgan.

Bu boradagi ishlar davom ettirilmoqda.