Zarbdor tumanida Navro‘z bayrami tantanali tarzda nishonlandi

Yurtimizda ayni kunlarda tabiat uyg‘onib, go‘zal diyorimizga barchamiz orziqib, sog‘inib kutgan Navro‘zi olam kirib kelmoqda. 

Zarbdor tumani Taraqqiyot mahalla fuqarolar yig'ini markazida o‘zbek xalqining yangilanish va yasharish ayyomi bo‘lmish - Navro‘z umumxalq bayrami xalq sayli tarzida tantanali nishonlandi. 

Navro‘zning butun mohiyatida xalqimizning ezgulikparvar qalbi namoyon bo‘ladi. Ming yillar davomida ma’naviy hayotimizning ko‘rku ziynati bo‘lib kelayotgan bu ajoyib, xosiyatli bayram bugun tumanimiz aholisiga ham cheksiz quvonch va zavq bag‘ishladi. 

Bayram dasturida viloyatdan tashrif buyurgan hamda mahalliy ijodkorlar tomonidan chiqishlar barchaga birdek manzur bo‘ldi.