O‘zbekiston Respublikasi Investisiya dasturini shakllantirish tizimini yanada takomillashtirish va samaradorligini oshirish chora-tadbirlari belgilandi
Vazirlar Mahkamasining “O‘zbekiston Respublikasi Investisiya dasturini shakllantirish tizimini yanada takomillashtirish va samaradorligini oshirish chora-tadbirlari to‘g‘risida”gi qarori (16-son, 14.01.2023 y.) qabul qilindi.
2023-yildan boshlab investdastur monitoringi avtomatlashtirilgan onlayn-tizim orqali amalga oshiriladi.
Qaror bilan O‘zbekiston Respublikasi Investisiya dasturini shakllantirish va amalga oshirish to‘g‘risidagi nizom tasdiqlandi.
Qarorga asosan, uch yillik investisiya dasturini shakllantirish quyidagi 6 ta bosqichdan iborat:
• I bosqich – 1 avgustga qadar investdasturning dastlabki ro‘yxati shakllanadi;
• II bosqich – 10 avgustga qadar shakllangan ro‘yxat Vazirlar Mahkamasiga kiritiladi;
• III bosqich – 25 avgustga qadar Vazirlar Mahkamasining tarkibiy bo‘linmalari loyihani kelishishadi;
• IV bosqich – 25 oktyabrga qadar vazirlik va idoralar, mahalliy hokimiyat organlari loyiha smeta hujjatlarini ishlab chiqib, kelishishadi;
• V bosqich – 10 noyabrga qadar yakuniy loyiha Vazirlar Mahkamasiga kiritiladi;
• VI bosqich – 1 dekabrga qadar Vazirlar Mahkamasi loyihani Prezident Administrasiyasiga kiritadi.
Qarorga muvofiq, investisiya dasturini monitoring qilishning quyidagi tartibi o‘rnatildi:
• loyiha tashabbuskorlari har oyning 5 sanasiga qadar uning ijrosi bo‘yicha ma’lumotlarni axborot tizimiga kiritishadi;
• Investisiya, sanoat va savdo vazirligi har oyning 10 sanasiga qadar ma’lumotni Prezident Administrasiyasi va Vazirlar Mahkamasiga kiritadi.
Zarbdor tuman adliya bo'limi
Yuridik xizmat ko'rsatish markazi xodimi
A.Abduvaitov
