Zarbdor tumanida maktablarda "So‘nggi qo‘ng‘iroq" jarangladi

Bugun erta tongdan Zarbdor tumanidagi barcha umumta’lim maktablarida chalingan kelajak qo‘ng‘irog‘i chalinib bitiruvchi yoshlar uchun quvonchli va esda qolarli kunga aylandi.

Joriy yilda tumanda 32 ta umumiy o‘rta ta’lim muassasalarining barchasida 805 nafar o'quvchilar 11-sinfni bitirmoqda va ularning hayotida yangi sahifa ochilib, katta hayotga qadam qo'yishmoqda.

Xususan, tuman hokim Zafar Ruziyev tuman hududidagi 3- va 9-sonli umumta'lim maktablarida "So‘ngi qo‘ng‘iroq" tadbirida ishtirok etdi.

Tadbirda dastlab, Prezidentimizning bitiruvchi yoshlarga yo‘llagan tabrigini o‘qib eshittirdi. Ularni mustaqil hayotda o‘z o‘rinlarini topishlari davlatga jamiyatga nafi tegadigan mutaxassislar bo‘lib yetishishlariga tilaklar bildirildi.

Tadbir so‘ngida bitiruvchi sinf o‘quvchilarni va ularga ta’lim bergan ustozlarini esdalik tashakkurnomalar bilan tabrikladi.