Zulfiyaxonim izdoshlari
Zarbdor tuman hokimligi binosida "Zulfiya" nomidagi Davlat mukofoti ko‘rik- tanlovning tuman bosqichi o‘tkazildi.
Tanlovda taʼlim, fan, adabiyot, madaniyat, sanʼat, sport va jamoatchilik faoliyatida yuqori natijalarga erishgan 14 yoshdan 30 yoshgacha boʻlgan iqtidorli va isteʼdodli qizlar qatnashdilar. Ushbu bosqichda Respublika va xalqaro miqyosdagi koʻrik-tanlovlar, fan olimpiadalari va sport musobaqalarida ahamiyatli yutuqlarni qoʻlga kiritgan, har jabhada tengdoshlariga oʻrnak va namuna boʻlib kelayotgan qizlarning ishlari baholandi.
Tadbir so‘ngida hakamlar tomonidan “Zulfiyaxonim izdoshlari” ko‘rik-tanlovining tuman bosqichida g‘olib deb topilgan ishtirokchilarga viloyat bosqichiga yo'llanmalar berildi va esdalik sovg‘alari taqdim etildi.
