Zarbdor tumani 3-sektor hududidagi Do'stlik MFYda sayyor qabul o‘tkazildi
Yurtimizda xalq bilan faol va ochiq muloqot olib borish, avvalo inson huquq hamda manfaatlarini ta’minlash orqali xalqimizning farovon, baxtli hayot kechirishi uchun munosib shart-sharoit yaratishdan iborat.
Zarbdor tumani 3-sektor hududi Do'stlik mahallasida o‘tkazilgan sayyor qabulda Zarbdor tuman hokimi, Xalq qabulxonasi mudiri, sektor rahbarlari va mutasaddi tashkilot rahbarlari ishtirok etdi.
Qabul jarayonida Bo'ston shaharchasi hududi aholisi tomonidan ichimlik suvi, chiqindilarni olib chiqib ketish, temir-beton ustunlar o'rnatish, uy-joy kadastr hujjatlari, moddiy yordam, sog‘likni saqlash kabi 10 dan ortiq murojaatlari eshitildi. Murojaatlarning aksariyati joyida yechim topgan bo'lsa, qolganlari vaqt hamda mablag' talab etilgani bois mutasaddilarga topshiriq va ko'rsatmalar berildi. Amaliy yordam ko‘rsatish yuzasidan zarur chora-tadbirlar belgilab olindi.
